Andrés Díaz tacha de "falta de respecto institucional" a ausencia da conselleira na reunión sobre a PO-234
Por Redacción
A delegación territorial da Xunta de Galicia en Pontevedra será escenario o vindeiro xoves 23 de febreiro dunha reunión na que se debaterá sobre a reforma da estrada PO-234 que une Ponte Caldelas e Cotobade.
Á mesma acudirá o alcalde de Ponte Caldelas, Andrés Díaz, o presidente de Cerdedo-Cotobade, Jorge Cubela, o delegado territorial da Xunta, José Manuel Cores Tourís, e o director da Axencia Galega de Infraestruturas, Francisco Menéndez.
Non estará, segundo explica o Andrés Díaz, a conselleira de Infraestruturas, Ethel Vázquez, "incumprindo así o compromiso adquirido o pasado mes de novembro", sinala o rexedor nun comunicado.
Esta ausencia supón para Díaz "unha falta de respecto institucional", polo que insta á conselleira para rectificar e liderar a reunión, que inicialmente se ía a celebrar despois da festa de Reis, en xaneiro.
O alcalde de Ponte Caldelas asegura que acudirá igualmente ao encontro, no que demandarán que se corrixa o grave problema de seguridade que existe neste viario ao seu paso por Laxoso, pero "estarei nesa xuntanza o tempo xusto para presentar propostas claras que sirvan para rematar coas escusas da Xunta de Galicia, que ten a obriga de garantir a seguridade viaria nas súas estradas", sinalou.
Durante os últimos meses o Concello de Ponte Caldelas traballou na recollida das firmas dos propietarios afectados polas expropiacións co obxectivo de axilizar no posible o proceso administrativo.
Relacionadas:
-
O goberno local de Ponte Caldelas dará conta aos veciños do acordo coa Xunta na PO-234
Por Oskar Viéitez |
-
A PO-234, en obras o próximo verán polo tramo de Cotobade; Ponte Caldelas terá que esperar
Por Alejandro Espiño & Mónica Patxot |
-
Ponte Caldelas esixe á Xunta que comece xa as obras da PO-234
Por Redacción |
-
Andrés Díaz reta a Rueda a visitar Ponte Caldelas para abordar a discriminación da Xunta co Concello
Por Redacción |
-
Ponte Caldelas reclamará da Xunta un convenio vinculante para as obras da PO-234
Por Redacción |