Vaipolorío 'desatasca' o río dos Gafos despois dos temporais
Por Redacción
O paso dos sucesivos temporais das últimas semanas, en especial os tres encadeados durante a pasada fin de semana, deixou pegada no río dos Gafos, coa canle 'atrancada' con ramas e árbores enteiros. Ata este sábado.
Voluntarios da asociación ecoloxista Vaipolorío retiraron as pezas que máis dificultaban o paso á vez que realizou un inventario e detectou 22 plantas caídas sobre a canle e o carreiro.
Segundo a información facilitada polo colectivo, durante a fin de semana realizaron un percorrido polo tramo rural do Gafos en Tomeza e contabilizaron, entre todas as árbores derrubadas sobre a canle ou o carreiro, nove falsas acacias, catro ameneiros, tres acacias negras, tres salgueiros, dous carballos e un loureiro.
A asociación indica que, ademais, a esas árbores hai que sumar os exemplares xa retirados pola Consellería de Medio Ambiemte durante os días seguintes aos temporais.
Ademais, segundo indicaron, eles retiraron parte desas plantas e tamén as ramas 'enganchadas' en pontes e presas de muíños tras as inundacións da fin de semana dos temporais.
Relacionadas:
-
Vaipolorío denuncia a ocupación ilegal con vertidos de lixo dunha parcela preto do río Gafos
Por Sofía Fernández Fuentes |
-
O Concello de Marín invita os veciños a reclamar polos danos do temporal
Por Redacción |
-
Empezan os traballos post temporal nos tres cedros das Palmeiras
Por Redacción |
-
Un informe de Bombeiros alerta do "desastroso" estado da ponte da Barca
Por Alejandro Espiño |