Os temporais deixáronte sen luz? Así podes reclamar
Por Redacción
Se durante os temporais das últimas semanas te converteches nun dos miles de afectados polos problemas na subministración eléctrica, estás a tempo de reclamar. Unión Fenosa Distribución, distribuidora eléctrica de Gas Natural Fenosa en Galicia, abriu canles específicas para atender aos clientes prexudicados.
Dada a intensidade dos temporais e o número de afectados, habilitou o teléfono 900 111 035 e o correo electrónico temporalgalicia@gasnaturalfenosa.com para atender aos afectados e canalizar as reclamacións. Ademais, os usuarios poden acudir a calquera oficina de atención ao cliente da compañía. Nos últimos días, o teléfono de atención ao cliente xa canalizou máis dun milleiro de reclamacións, de mdo que reforzaron o equipo.
A dureza dos temporais e as súas consecuencias levou a que entre os días 1 e 6 de febreiro a compañía contabilizase máis de 900 incidencias en Galicia, que deixaron picos de ata 180.000 clientes afectados de maneira simultánea, a maioría pola caída de árbores e ramas sobre os tendidos eléctricos, que xeraron interrupcións da subministración.
Hai xa case unha semana que quedaron resoltas todas as incidencias en media tensión, desde o pasado luns, pero a empresa segue traballando na reparación definitiva dos danos provocados polos temporais e mantén reténs para solucionar posibles problemas puntuais.
Relacionadas:
-
A Lama reproba a Fenosa e reclama indemnizacións para os veciños que sufriron cortes de luz
Por Redacción |
-
A Lama pide a Industria que esixa responsabilidades a Gas Natural Fenosa polos cortes de luz
Por Redacción |
-
Empezan os traballos post temporal nos tres cedros das Palmeiras
Por Redacción |
-
80 horas sen electricidade: "En este siglo, no pueden dejar cuatro días a los clientes sin luz"
Por Natalia Puga | Creada e actualizada
-
Preto de 23.000 persoas na provincia seguen sufrindo cortes de luz polo temporal
Por Redacción |