A nova subdelegada do Goberno busca reducir os casos de violencia machista en Pontevedra
Por Anxo Lourido
A subdelegada do Goberno, Ana Ortiz, visitou o Concello de Pontevedra este mércores para realizar unha visita institucional ao alcalde, Miguel Anxo Fernández Lores, durante a que mantivo un encontro no que aproveitaron para tratar os principais temas relacionados con materia de seguridade.
Ana Ortiz indicaba que tentará manter os índices habituais de baixa incidencia de actividade delituosa na cidade e engadiu a súa preocupación por un dos casos que deixou unha "espinita cravada" ao anterior subdelegado Antonio Coello, o de Sonia Iglesias.
Neste sentido sinalou que é un tema moi duro e os corpos e forzas de seguridade do estado continúan traballando neste caso. Ademais sinalou que o seu obxectivo tamén vai estar centrado na rebaixa do número de casos de violencia de xénero na provincia.
A nova subdelegada a pesar de que o alcalde de Pontevedra convidoulle a que se trasladase a vivir a Pontevedra non o contempla porque "ten unha nena pequena que está a estudar" e iso impide que deixe Vigo, malia levar 20 anos traballando na capital como funcionaria de carreira do corpo superior da Xunta.
Ana Ortiz comezou este martes a rolda de visitas institucionais na provincia acudindo á Delegación do Goberno na Coruña.
Relacionadas:
-
Ana María Ortiz, terceira subdelegada coa 'espinita' cravada de non resolver o caso de Sonia Iglesias
Por Natalia Puga |
-
Pontevedra alza a súa voz contra o "masacre" de mulleres asasinadas pola violencia machista
Por Alejandro Espiño |
-
Carmela Silva subliña como "unha gran noticia" que unha muller sexa a nova subdelegada do goberno
Por Redacción |
-
RADIO.- Capacidade de xestión, experiencia administrativa e coñecemento da provincia avalan a Ana Ortiz
Por Marisa Ciordia |
-
A loita contra a violencia de xénero, gran reto da primeira subdelegada do Goberno
Por Natalia Puga & Mónica Patxot |
-
Ana María Ortiz, primeira muller á fronte da Subdelegación do Goberno en Pontevedra
Por Redacción |