Grandes oportunidades nunha nova edición do Stock Pontevedra
Un ano máis, o Recinto Feiral de Pontevedra acolle dende o venres 3 de febreiro ata o domingo 5 o Stock Pontevedra co obxectivo de apoiar ao comercio local. A entrada supón un custo de 1,50 €, sendo gratuíta para os menores de 12 anos, que contarán cun servizo de gardería dentro do propio recinto.
A Asociación de Empresarios de Pontevedra (AEMPE) e o Centro Comercial Urbano Zona Monumental apoian esta iniciativa que pretende, segundo Anabel Gulías, concelleira de Promoción Económica, "apostar polo comercio local, o único que vai garantir o deselvolvemento económico dos nosos concellos".
Con este obxectivo, un total de 68 casetas ofrecerán unha ampla variedade de produtos, dende téxtiles, zapatos e charcutería ata materiais e equipamento de pesca, unha das novidades deste ano. Pero todos co denominador común de pertencer a Pontevedra e aos seus concellos lindeiros.
Para comerciantes como Montse, de Claké (O Grove), o obxectivo principal é "quitar stock y liberar estanterías" aproveitando o tirón das rebaixas, algo que concorda coas palabras de Sol Vázquez, directora de Comercio e Consumo de Galicia, e recalca a importacia "do comercio de veciños" que "contribúe a facer cidade".
Stock Pontevedra estará aberto ao público en horario ininterrompido de 11:00 horas a 21:00 horas e a entrada realizarase polo parking, onde poderá comprarse a entrada, que será válida para o todo día no que foi adquirida.
Relacionadas:
-
Pontevedra ten esta fin de semana unha nova cita cos descontos
Por Redacción |
-
A Zona Monumental prepara unha nova edición de Stock Pontevedra
Por Redacción |
-
Agárdase a presenza de 20.000 visitantes á feira de oportunidades Stock Pontevedra
Por Redacción |
-
O recinto feiral volverá vestir de rebaixas do 3 ao 5 de febreiro
Por Redacción |