O Green Campus consegue recadar 136 aparellos electrónicos para a súa reutilización
Co obxectivo de darlle unha nova vida a todos aqueles aparellos electrónicos que temos abandonados no trasteiro, o Campus de Pontevedra levou a cabo entre o 23 e o 27 de xaneiro unha recolección de obxectos para ser reciclados. Os materiais podían ser entregados tanto na zona do campus como na Casa das Campás, o Pavillón Universitario ou a Vicerrectoría.
A terceira campaña de reciclaxe conseguiu un total de 136 materiais eléctrónicos, dende computadores de mesa ata sandwicheiras e depiladoras, que serán entregados á Oficina de Medioambiente. Segundo a Área de Planificación do campus, destes 136, un 36,7% foi cedido polos alumnos da Facultade de Ciencias Sociais e da Comunicación, seguida polo resto de facultades da Xunqueira e deixando á cola aos alumnos de Belas Artes.
A reciclaxe é un dos puntos clave na empresa de Green Campus, que incide na importancia da educación ambiental e a sustentabilidade. Para iso, organizaron diversas campañas ao longo do curso escolar para facer visible temas como a mobilidade sustentable, a accesibilidade e outros plans de reciclaxe.
Debido ao éxito de proxectos como este, a Área de Planificación non descarta apostar por organizar máis campañas de reutilización de forma periódica.
Relacionadas:
-
O campus de Pontevedra, cada vez máis verde
Por Redacción |
-
O campus implantará 54 medidas para ser máis verde
Por Oskar Viéitez |
-
Os alumnos de Belas Artes fan unha plantación no patio central da facultade
Por Oskar Viéitez |
-
Recollen máis dun cento de obxectos electrónicos na caixa verde
Por Redacción |
-
Bidóns, cubos, botellas... e xa temos batukada
Por Redacción |
-
O campus estrea composteiro comunitario e poñerá en marcha unha horta ecolóxica
Por Oskar Viéitez |
-
O campus monta un obradoiro para manchar as mans reciclando bicis
Por Oskar Viéitez |
-
O campus aposta pola mobilidade sostible con ninebots e bicis
Por Redacción |