Corte de tráfico con motivo da mellora dos accesos ao centro de saúde de Bueu
Por Redacción
A concellería de Obras e Servizos de Bueu, dirixida polo concelleiro Fidel Castro, anuncia que a partir do luns 30 de xaneiro cortarase a rúa de acceso ao centro de saúde desde ao que se accede a través da PO-551.
A finalidade que se busca é iniciar as obras de arranxo neste viario, que se atopa en mal estado nalgún dos tramos. Os traballos realizaranse con fondos municipais.
A rúa permanecerá pechada e o acceso para vehículos vai levarse a cabo só pola rúa A Pedra. Desta forma reservarase a estrada provincial só para ambulancias e emerxencias.