Pedaladas pide que a estrada vella de Marín teña sentido único para coches e dobre sentido para ciclistas
Por Redacción
A asociación Pedaladas realizou unha serie de propostas para a estrada vella de Marín, PO-546, que conta con numeroso tráfico ciclista. polo que considera que debe manter ambos os sentidos para as bicicletas e que a solución pasa por eliminar un carril de circulación nesta vía xa que, segundo explican, a sección coa que conta Rosalía de Castro resulta insuficiente. Ademais reclaman beirarrúas en boas condicións.
Ao mesmo tempo, solicitan que o Concello, como mínimo, se faga cargo do tramo ata Pontemuiños, para mellorar a seguridade viaria desta contorna. Apuntan que conseguir a cesión de menos tramo da PO-546 supón depender da Xunta para a mellora na seguridade viaria que, segundo sinalan, conta cun criterio máis suave coas velocidades perigosas fronte ao Concello de Pontevedra.
Tamén piden unha senda peonil que chegue ata o Pazo de Lourizán. Sinalan que a distancia desde a Peregrina ata estas instalacións en bicicleta é de 3,6 quilómetros e leva 12 minutos en bicicleta. Por este motivo, piden unha senda que permita achegarse tanto camiñando como en bicicleta.
Por outra banda, o colectivo pide que se facilite a mobilidade laboral a Ence e a Elnosa de forma que os traballadores poidan acudir a estas empresas en bicicleta a través dunha vía de comunicación que, no caso de que se anule a concesión para que permanezan en Lourizán, poderíase utilizar para uso lúdico.
Reclaman, ademais, que os 300 camións pesados que move Ence cada día accedan ao recinto da factoría pola PO-11, no víal que vai pegado á ría. Entende que na PO-546 ese tráfico crea molestias e resulta perigoso ao seu paso polos Praceres.
Relacionadas:
-
Pedaladas quere que Ence abra unha vía de servizo para acceso de camións na PO-11 entre Marín e Pontevedra
Por Mónica Patxot & Anxo Lourido |
-
A Xunta acepta transferir o treito urbano da PO-546 pero non asumirá a súa reforma
Por Alejandro Espiño |
-
RADIO.- Vas ao volante, precédeche un ciclista e hai liña contínua: adiantas?
Por Marisa Ciordia |
-
Ao insti, en bici e seguros
Por Redacción |
-
Mollabao séntese un "barrio marxinal e degradado" e reclama "a calidade urbana" do resto de Pontevedra
Por Redacción |
-
A Xunta estuda a cesión parcial ao Concello da estrada vella de Marín
Por Oskar Viéitez |
-
Piden a Tráfico aumentar os radares nas estradas con maior presenza de ciclistas
Por Alejandro Espiño |
-
Pontevedra pide á Xunta unha senda ciclista na estrada vella a Marín
Por Alejandro Espiño |
-
Pedaladas lamenta que a Xunta rexeite mellorar a estrada vella de Marín
Por Redacción |