Falece o histórico alcalde de Marín Antonio Santiago, 'Toneco'
Por Redacción
O histórico alcalde de Marín Antonio Santiago Fernández, coñecido como 'Toneco', faleceu este domingo na localidade aos 75 anos de idade.
O velorio polo histórico socialista instalouse no tanatorio San Marcos de Marín, onde permanecerá ata que este luns 9 de xaneiro se celebre un funeral ás 17.00 horas no Templo Novo.
O falecemento causou conmoción en Marín e no PSdeG-PSOE. O secretario xeral dos socialistas pontevedreses, Santos Héctor, mostrou o seu pesar polo falecemento e, en nome de toda a executiva provincial e de todos os socialistas da provincia lamentou a perda dun histórico da agrupación e transmitiu as súas condolencias á familia.
Antonio Santiago foi alcalde de Marín entre 1999 e 2007 co PSOE e previamente, entre 1992 e 1995, con CDS en coalición co PSOE e o BNG.