A 14 euros o quilo de roscón
Por Oskar Viéitez
Antes de que o panetone conquiste os fogares pontevedreses o roscón de Reis segue sendo a sobremesa típica para a maioría das familias.
Deste bolo, con sorpresa e faba, vendéronse máis 28 millóns durante o pasado ano 2016, segundo a Asociación Española da Industria de Panadería, Bolería e Pastelería (Asemac). Ollo, o dato anterior refírese a toda España.
En Pontevedra en prezo da rosca sitúase nuns 14 euros o quilo. A diferenza márcana se os roscóns son industriais ou artesáns, e se veñen con ou sen recheo.
Iso si, aínda que poucos son os que lle gustan, este doce case sempre chega adornado con froita escarchada que representa as xemas e esmeraldas que os Reis de Oriente levaban nas súas túnicas, destas cores vermellas e verdes. Manda a tradición, ainda que normalmente esta adoite terminar no lixo.