Clausuran dous locais de hostalería de Vilagarcía por permitir a venda de drogas
Por Redacción
As policías Local e Nacional de Vilagarcía de Arousa clausuraron durante a pasada fin de semana dous establecementos de hostalería destas localidade nos que se estableceron puntos de distribución de sustancias estupefacientes.
Esta clausura enmárcase nun dispositivo para a prevención do tráfico de drogas en lugares de lecer dentro do Plan Drogas Lecer desenvolvido os días 22, 23 e 24 de decembro por axentes de ambos os corpos policiais, segundo informou a Policía Nacional a través dun comunicado.
Ademais, os axentes detiveron dous veciños de Vilagarcía de 36 e 27 anos, ambos con antecedentes policiais, como presuntos autores de senllos delitos contra a saúde pública e tramitáronse dez actas de denuncia por consumo de drogas en lugares públicos
Durante eses tres días de operativo os axentes interviñeron seis gramos de cocaína, 11 gramos de speed, útiles para a distribución de droga, dous teléfonos móbiles e 400 euros en efectivo.