Monte Porreiro e Campolongo, primeiras áreas urbanas en completar o sistema de compostaxe
Por Alejandro Espiño
O sistema de compostaxe que está comenzado a implantar o Concello de Pontevedra dará nas próximas semanas un "importante" paso adiante. Monte Porreiro e Campolongo serán as primeiras áreas urbanas onde se completará o despregamento de composteiros necesarios para que os seus veciños adopten esta reciclaxe de residuos orgánicos.
Para iso, ademais dos composteiros comunitarios que se instalaron grazas ao Plan Revitaliza da Deputación, o goberno municipal aprobou a compra de 300 módulos de compostaxe, que se colocarán nos dous barrios.
O Concello investirá 172.425 euros na compra destes centros de compostaxe, segundo aprobou este luns a Xunta de Goberno.
Esta adquisición permitirá, segundo a portavoz do goberno, Anabel Gulías, que a compostaxe "sexa unha realidade" en dous dos principais barrios da cidade.
En Monte Porreiro, os composteiros comunitarios instalados no barrio xa produciron o seu primeiro compost, reutilizado nas zonas verdes e xardíns da zona; mentres que en Campolongo o Concello e os veciños xa acordaron as primeiras localizacións para estes centros de compostaxe.
OUTROS ASUNTOS
Ademais, a Xunta de Goberno aprobou a segunda prórroga do convenio entre o Concello e Fanpa Pontevedra, valorado en 210.000 euros anuais, para financiar entre outras actividades o Plan Madruga e os comedores escolares.
Na área social tamén se aprobou contratar o terceiro plan de igualdade municipal, no que se investirán 36.000 euros que proceden dunha subvención da Xunta de Galicia.
Relacionadas:
-
VÍDEO.- Veciños de Monte Porreiro protestan contra a instalación de composteiros preto dun parque infantil
Por Mónica Patxot & Anxo Lourido | Creada e actualizada
-
Os Xeves e Verducido, primeiras parroquias en contar con composteiros individuais
Por Alejandro Espiño |
-
O Concello estuda "premiar" os barrios que mellor reciclen cunha rebaixa no recibo do lixo
Por Alejandro Espiño |
-
Os composteiros de Monte Porreiro e Campolongo atenderán a máis de 8.000 veciños
Por Redacción |
-
A Brilat súmase á compostaxe
Por Alejandro Espiño |
-
A planta da Canicouva tratará os residuos orgánicos da metade dos pontevedreses
Por Alejandro Espiño |
-
VÍDEO.- Monte Porreiro extrae o seu primeiro compost despois de tres meses de reciclaxe
Por Mónica Patxot & Anxo Lourido |