O mercado municipal tamén é cousa de nenos
Por Redacción
O Ganapán, espazo infantil instalado na planta superior do Mercado de Abastos, comezou a funcionar este xoves 22 de decembro.
Esta ludoteca, creada para facilitar a conciliación familiar dos traballadores da praza e tamén para promover a asistencia de público familiar ao mercado, ofrecerá diferentes actividades para os nenos, como talleres artísticos, musicais ou gastronómicos.
Funcionará todos os venres para actividades con centros educativos e asociacións e os sábados para o público en xeral, aínda que durante as vacacións de Nadal estará operativa todos os días nos que abra o mercado, con talleres de 10:00 a 12:00 horas e de 12:00 a 14:00 horas previa inscrición en oganapan@omercado.gal ou no teléfono 604 024 645.
No seu primeiro día de funcionamento os pequenos contaron coa visita de Manuel Otero, bateeiro con máis de 40 anos de experiencia que explicou aos nenos como é o seu traballo de cultivo de mexillón e o material que utiliza.
Así, os nenos coñeceron o proceso de cultivo de mexillón, desde o inicio ata que chega ao mercado. Os pequenos fixeron tamén unha degustación de mexillóns e produtos derivados e, coas cunchas, co fin de promover a reciclaxe creativa, unha proposta plástica para decorar as árbores de Nadal.
A intención é que os oficios do mar e da terra sexan o eixo central das actividades do Ganapán.
Relacionadas:
-
Pontevedra presume en Madrid do Ganapán
Por Alejandro Espiño |
-
O Ganapán, elixido como proxecto-modelo polo Ministerio de Educación e Cultura
Por Alejandro Espiño |
-
A reordenación do mercado de abastos, en marcha
Por Alejandro Espiño |
-
Máis de 1.200 escolares pasaron por O Ganapán do mercado desde febreiro
Por Alejandro Espiño |
-
Marzo é o mes das mulleres no Ganapán
Por Redacción |
-
Menudo susto levaron os nenos cunha anguía
Por Mónica Patxot |
-
Visitas guiadas e obradoiros no mercado para os pequechos
Por Oskar Viéitez & Mónica Patxot |
-
Á segunda vai a vencida: aprobado o novo regulamento do mercado
Por Alejandro Espiño |
-
Os nenos xa contan cun espazo propio no mercado: nace O Ganapán
Por Alejandro Espiño & Mónica Patxot |
-
O mercado municipal converterase nun espazo gastronómico sostible
Por Alejandro Espiño |