Moreira di que os técnicos "no miran con el mismo celo" as propostas do goberno e da oposición
Por Alejandro Espiño
Un día despois do pleno no que debía debaterse o orzamento municipal, o Partido Popular volveu a acusar ao BNG de "avasallar" aos funcionarios do Concello para que redacten "informes express" para cuestionar todas as emendas e escritos que presenten os grupos da oposición con respecto ás contas de 2017.
O goberno, segundo Moreira, debe deixar de buscar "subterfugios" para non tramitar estas emendas e "sentarse a negociar" cos populares para acordar "el mejor presupuesto" para os intereses dos pontevedreses.
Pero o portavoz popular foi máis aló e asegurou que, aínda que respecta e defende o traballo dos técnicos, estes están "a las órdenes" do goberno municipal e aínda que nos seus escritos "no dicen nada que no sea cierto", si ven que as propostas do BNG e da oposición "no las miran con el mismo celo".
"A algunos nos miran hasta el color del pelo", asegurou Jacobo Moreira, que lamentan que o goberno municipal dera ordes aos funcionarios de buscar erros "hasta en la paginación" das emendas presentadas pola oposición. O BNG, dixo, ten toda a "maquinaria administrativa" ao seu servizo.
A Lores, segundo Moreira, politicamente falando, "de vez en cuando hay que darle una bofetada y pararle los pies"
Moreira engadiu que "mientras que a nosotros se nos exige motivar las enmiendas al BNG le sirve con decir que son los mejores presupuestos para la ciudad".
Máis aló desta cuestión, o portavoz do PP esixiu a Lores "madurez política", xa que asegurou que vincular o orzamento a unha moción de confianza proba o "declive" do alcalde, ao que non lle ven capacidade de diálogo nin de xestión e ao que, politicamente falando, "de vez en cuando hay que darle una bofetada y pararle los pies".
Os populares lembran que o BNG non conta con maioría absoluta e "tiene que negociar con otros partidos", algo para o que "nosotros seguimos tendiéndole la mano".
Así, Jacobo Moreira afirmou que están dispostos a reconsiderar a súa postura contraria ao orzamento se os nacionalistas aceptan as emendas presentadas polos populares, que solicitan a baixada de impostos -especialmente o IBI-, a implantación do transporte urbano en Pontevedra e a aprobación do PXOM.
Relacionadas:
-
O PP pide a nulidade da aprobación inicial do orzamento do Concello
Por Oskar Viéitez | Creada e actualizada
-
Tranquilidade no goberno local tras impugnar o PP a convocatoria do pleno dos orzamentos
Por Diego Espiño |
-
Lores someterá ao pleno só os orzamentos do BNG, a pesar dun ambiguo informe municipal
Por Alejandro Espiño |
-
Martiño Noriega avoga por un acordo entre Marea e BNG: "É o lóxico e o que a xente espera"
Por Redacción |
-
VIDEO.- Lores apraza ao venres o orzamento e vincularao a unha moción de confianza se non é aprobado
Por Alejandro Espiño & Mónica Patxot | Creada e actualizada
-
O PP acusa a Lores de obrigar os funcionarios a emitir "informes express" para tratar de parar as emendas
Por Redacción |
-
Tino Fernández, portavoz do PSOE, pide un debate público con Lores para tratar o tema do orzamento
Por Redacción |