Bueu e a Deputación colaboran para impulsar o sendeiro azul de Cabo Udra
Por Redacción
A Deputación de Pontevedra e o Concello de Bueu colaborarán para a difusión, promoción, conservación e sostemento do sendeiro azul de Cabo Udra. A cooperación é froito dun convenio no que a institución provincial aporta 8.800 euros e a local, Bueu 2.200.
A presidenta da Deputación, Carmela Silva, e o alcalde de Bueu, Félix Juncal, asinaron este luns o convenio de colaboración, que ten como obxectivo impulsar as infraestruturas e servizos, conservar o patrimonio natural, sinalizar o sendeiro, instalar elementos interpretativos e mobiliario e realizar tarefas de mantemento da ruta de Cabo Udra.
Segundo recolle a Deputación nun comunicado, Carmela Silva destacou que a provincia de Pontevedra é a que conta con máis sendeiros azuis de España, 11 en total nos concellos de Baiona, Bueu, Cangas, A Guarda, A Illa de Arousa, Marín, Nigrán, Ponte Caldelas e Vigo.
Con motivo da sinatura deste convenio, a Deputación aproveitou para dar a coñecer que no Plan Concellos 2017 prevé destinar 803.444,37 a Bueu, isto é, 66.467,25 euros máis que no 2016. O investimento será un 9,02% superior a un ano antes, un crecemento que supón seis puntos máis da media do Plan Concellos, un 3% con respecto ao ano 2016.
Entre o Plan Concellos e outros proxectos, a Deputación investiu en Bueu este ano 2016 un total de 1.234.520 euros, unha media de 100 euros por habitante. En liñas xerais, desta contía, 780.745,50 foron do servizo de cooperación, 201.556,77 destináronse para mobilidade, 80.628,06 para cohesión social e xuventude, 48.914,40 para emprego, 46.923,41 para cultura e lingua, 39.956 para deportes, 28.051,76 para medio ambiente e 7.744 para igualdade.
Relacionadas:
-
Posta a punto do sendeiro de Cabo Udra para reforzar o seu atractivo turístico
Por Redacción |
-
Bueu ultima os proxectos que presentará ao Plan Concellos 2017
Por Redacción |
-
Marín solicita un novo sendeiro azul para o roteiro dos cinco miradoiros
Por Redacción |
-
Bueu acada un novo record turístico de visitantes este verán
Por Redacción |
-
Turismo de Bueu organiza en Udra dúas visitas guiadas para o vindeiro sábado
Por Redacción |
-
Bueu tratará de mellorar as súas rutas de sendeirismo de cara o próximo verán
Por Redacción |