Adega acusa á Xunta de dar "carta branca a ENCE" desregulando as plantas de biomasa
Por Oskar Viéitez
A Xunta tramita a derrogación do decreto que regulaba o sector co propósito de liberar a potencia das centrais de biomasa.
O cambio foi recollido con satisfacción pola Asociación de Empresas de Enerxías Renovables (APPA) e con preocupación por colectivos ecoloxistas como Adega que acusa o goberno galego de "dar carta branca a Ence para encher Galicia de cultivos enerxéticos" e traer unha nova "onda recauliptizadora".
A asociación incide en que o decreto que a queima de biomasa en pequenas plantas fora un complemento á explotación do monte e non un fin en si mesmo.
Adega alerta de que a partir de agora a patronal enerxética poderá promover plantas que precisarán inxentes cantidades de biomasa que queimar e que se valerán para iso de cultivos enerxéticos como o eucaliptus nitens. Din que a presión destes cultivos sobre os ecosistemas será "brutal" e supoñerá un empobrecimiento da biodiversidade e do chan e perda de terras agrícolas produtivas.
Relacionadas:
-
A APDR critica a "complicidade submisa do goberno galego" con ENCE no Pacto Ambiental
Por Natalia Puga |
-
A Mancomunidade de Montes de Pontevedra rexeita a instalación da central de biomasa de ENCE en Lourizán
Por Oskar Viéitez |
-
ENCE construirá este ano a súa planta de biomasa en Lourizán
Por Oskar Viéitez & Mónica Patxot |
-
"A planta de biomasa farase en Pontevedra ou non se fará". A resposta, nun mes
Por Oskar Viéitez |