A primeira planta do mercado renovarase haxa ou non novo regulamento
Por Alejandro Espiño
O último pleno da corporación municipal non aprobou o novo regulamento redactado polos técnicos do Concello para o mercado de abastos. A oposición forzou, tras a petición das praceiras, que o asunto fora retirado da orde do día e instaron o goberno a abrir unha negociación cos profesionais da praza para acordar esta normativa.
Pero a pesar deste contratempo, o goberno municipal mantén os seus plans para converter a primeira planta do mercado nun espazo gastronómico sustentable.
Fontes municipais recoñecen que impulsar este cambio de usos sería moito máis fácil se se aprobase o novo regulamento, pero en todo caso entenden que a actual normativa xa o permite porque habilita ao Concello, propietario das instalacións, a reservar postos de traballo para outras actividades.
Ademais, tamén facultaría ao goberno municipal a trasladar á prata baixa os postos que se consideren oportunos -como as vendedoras de froita e verdura que ocupan actualmente o espazo central- apelando ao interese xeral do proxecto que se queira instalar no mercado.
En todo caso, o Concello está decidido a "non tocar" a proposta de novo regulamento, xa que consideran que o traballo dos funcionarios que o redactaron durante os últimos meses foi "magnífico". Nel, ademais, se recollen gran parte das alegacións presentadas polas usuarias do mercado.
Tanto o regulamento como as alegacións presentadas no seu día, aseguran desde o Concello, están a disposición dos profesionais da praza nas oficinas das instalacións. Por alí pasaron nos últimos días unha trintena de persoas para revisar a documentación presentada.
Relacionadas:
-
Á segunda vai a vencida: aprobado o novo regulamento do mercado
Por Alejandro Espiño |
-
Os nenos xa contan cun espazo propio no mercado: nace O Ganapán
Por Alejandro Espiño & Mónica Patxot |
-
Controis máis duros na praza de abastos de cara á campaña de Nadal
Por Alejandro Espiño |
-
Como é o novo regulamento que se quere aprobar para o mercado?
Por Alejandro Espiño |
-
"Non hai ninguén que teña máis interese en que o mercado funcione que nós", din as praceiras
Por Alejandro Espiño |
-
O mercado municipal converterase nun espazo gastronómico sostible
Por Alejandro Espiño |