Os condutores xa poden usar a mesma telepeaxe en Galicia e Portugal
Por Redacción
O Ministerio de Fomento está probando con usuarios reais o funcionamento da mesma telepeaxe en Galicia e Portugal. ÿ dicir que os clientes do 'Via Verde' portugués circulan pola AP-9 española e os do VIA-T español polas vías da lusa Brisa sen ter que parar nas cabinas de peaxe, ou sen saltarse as cámaras de control.
Os sistemas de telepeaxe das autopistas españolas e portuguesas comezaron a interoperar o pasado 1 de outubro en probas de forma satisfactoria, segundo informou o Ministerio de Fomento.
A proba piloto da conexión dos dous sistemas fai compatible o 'VIA-T' e o 'Vía Verde', os sistemas que permiten o pago sen necesidade de deterse nas vías españolas e lusas, respectivamente.
Esta medida é froito do acordo alcanzado o pasado mes de febreiro entre os gobernos dos dous países.
Portugal estableceu en 2010 o cobro a todo tipo de vehículos por circular por algunhas das súas autovías ata entón libres de taxa e consolidou un sistema de cobro automático, sen habilitar estacións de cobro de peaxe.
Relacionadas:
-
Xa funcionan as telepeaxes de NCG Banco en todas as autoestradas portuguesas
Por Redacción |
-
A patronal pontevedresa recomenda non pagar as multas de Portugal por non levar a "Carta Verde"
Por Oskar Viéitez |
-
Esixen á UE que investigue a Audasa e Brisa polo "caos" das peaxes galegas e portuguesas
Por Redacción |