Representantes do persoal e a dirección de Cespa retoman as negociacións sen avances
Por Anxo Lourido & Mónica Patxot
Volveron reunirse pero sen que se avanzara nada na negociación. Os representantes sindicais de Cespa, a empresa adxudicataria do servizo de limpeza e recollida dos lixos en Pontevedra, mantiñan este venres 18 retomaban as conversacións para tentar chegar a un acordo sobre o convenio colectivo.
Despois de tres horas de duración, segundo Juan Carlos Corredoira, presidente do comité de empresa, non se avanzou na negociación. "Saímos igual que entramos", afirma o delegado de UXT. O único punto de acordo foi volver citarse o vindeiro luns 28 de novembro.
A dirección presentouse na reunión coa mesma oferta da anterior, cunha suba dun 0,5%, unha cifra que os representantes sindicais rexeitan porque reclaman un incremento máis acorde á subida da vida.
Se o 28 de novembro non se alcanza un acordo, os sindicatos volverán convocar aos traballadores para unha nova concentración o próximo 3 de decembro ante a sede e a empresa, mantendo o calendario de mobilizacións.
Relacionadas:
-
Os traballadores da recollida de lixo convocan unha folga indefinida a partir do día de Nadal
Por Mónica Patxot & Anxo Lourido |
-
Os traballadores de Cespa aproban unha folga indefinida do servizo do lixo
Por Redacción |
-
Retómase a negociación do convenio na adxudicataria da recollida de lixo en Pontevedra
Por Redacción |
-
Traballadores do servizo de limpeza concéntranse para reclamar unha suba salarial no convenio colectivo
Por Anxo Lourido |