Cales foron os concellos máis beneficiados polo 'dedo' de Louzán?
Por Oskar Viéitez
A presidenta da Deputación de Pontevedra, Carmela Silva, asegura que o goberno provincial integrado polo PSOE e BNG, só busca facer "xustiza redistributiva" despois de seis anos de goberno do PP co novo Plan de financiamento, "compensando" así a falta de investimentos directos a través da libre disposición e convenios que "padeceron" algúns concellos durante a anterior etapa de Rafael Louzán. Con todo, o PP insiste en que con este plan, a Deputación recupera os "convenios a dedo que tanto criticaron".
Carmela Silva desvelou que no período comprendido entre os anos 2009 ao 2015, Rafael Louzán repartiu 72 millóns de euros de forma directa, a través da libre disposición ou destes convenios directos.
Un 56% dos fondos destinados a concellos de entre 10.000 e 20.000 habitantes repartíronse en exclusiva entre: Mos (un 20,7%), Vilanova de Arousa (un 17%) Sanxenxo (un 9%) e Gondomar (un 8,9%). Todos tiñan gobernos do PP e tan só Mos e Gondomar recibiron máis de 2 millóns de euros.
Nos fondos destinados a concellos de menos de 10.000 habitantes, Meis copou o 10% dos investimentos con fondos de libre disposición ou adxudicación directa, fronte ao 0% de Poio ou Fornelos, o 0,3% de Forcarei, o 0,39% de Silleda ou o 0,7% das Neves.
Carmela Silva destacou que a Deputación de Louzán investiu con este tipo de fondos cero euros por habitante en Poio e "con todo chegou aos 350 euros por habitante en localidades populares como Moraña, A Golada, Meis ou Pazos de Borbén", polo que recomendou aos deputados populares que "o que tiñan que estar a facer é pedindo perdón" aos concellos máis prexudicados por esta repartición.
Relacionadas:
-
O goberno provincial cualifica de "escrache" o acto de protesta protagonizado por trinta alcaldes do PP
Por Oskar Viéitez & Mónica Patxot |
-
O PP asegura que a Deputación recuperou os "convenios a dedo" que tanto criticou
Por Redacción |
-
A Deputación pon en marcha un plan para compensar os concellos prexudicados na etapa de Louzán
Por Oskar Viéitez & Mónica Patxot |
-
O Plan Concellos cambiará para "reequilibrar" a provincia tras anos de "caciquismo" de Louzán
Por Alejandro Espiño |