Cotobade activa "a biblioteca máis grande do mundo"
Por Redacción
A "biblioteca natural máis grande do mundo" xa está activa en Cerdedo-Cotobade.
O Concello colocou xa os dez puntos de lectura ao longo de todo o municipio que compoñen a iniciativa 'As Follas do Aire', promovida pola administración local en colaboración coa Secretaría Xeral de Política Lingüística.
Só falta que se pechen algúns aspectos técnicos no caso de Augasantas. Os puntos de lectura limítanse a Cotobade, ao ser un proxecto anterior á fusión, e son os seguintes: Fontiña Bieita de Borela (con libros de Nélida Piñón e Manuel María), Carballeira de San Xusto (Salustiano Portela e Fina Casalderrey), Cuspedriños (Xosé Neira Vilas e Gonzalo Moure), Arufe en Loureiro (Antonio Fraguas e libro infantil sobre o Samaín), Ponte romana de Almofrei (Teresa Moure e Suso de Toro), Miradoiro do Coirego en Corredoira (Xosé Fortes e Juan Farías), Capela de San Xosé en Augasantas (Darío Xohán Cabana e Anxo Moure), piscina fluvial de Carballedo (Rosalía de Castro e Ledicia Costas), Carballeira da Portela en Viascón (Castelao e Pepe Carreiro) e Dorna en Santa María de Sacos (Manuel Rivas e Pepe Carreiro).
Todos os puntos de lectura xa contan co seu respectivo banco e unha urna selada para gardar os libros sen que lles afecte a climatoloxía. Ademais o Concello imprimiu uns mapa-guías que detallas a localización dos puntos de lectura.
A apertura oficial de 'As Follas ao Aire' producirase este domingo cun roteiro que arrincará ás 11:00 desde o Concello e que contará coa presencua da escritoria Ledicia Costas e o ilustrador Víctor Rivas. O roteiro cultural , de dificultade baixa, percorrerá 2,5 quilómetros polos lugares da Chan, O Sabugueiro, Ermida de San Brais e Arufe.
Relacionadas:
-
Libros desaparecidos e urnas rotas, balance do proxecto ' Follas ao aire' para o PSOE
Por Redacción |
-
Carballedo moderniza a súa biblioteca
Por Redacción |
-
A Feira de Cuspedriños abre a solicitude dos postos
Por Redacción |
-
A lembranza de Neira Vilas agroma na carballeira de Cuspedriños
Por Redacción |
-
"Follas ao aire", unha iniciativa en Cotobade para crear a biblioteca máis grande
Por Redacción |