A ampliación do parque infantil de Barcelos, pendente dunha visita técnica
Por Alejandro Espiño
O parque infantil de Barcelos, un dos máis utilizados en todo o municipio, será ampliado moi pronto. A decisión está tomada, segundo explicou o concelleiro Luís Bará. Pero o proxecto que se aprobe definitivamente está pendente dunha próxima visita dos técnicos municipais que analizarán todo este ámbito para presentar a mellor proposta.
Así o destacou o edil do BNG tras a comisión de Mobilidade onde se analizou o estado de execución de diversas obras de reforma urbana.
O Concello aposta por substituír o actual pavimento de caucho por céspede artificial e, a partir de aí, serán os técnicos os que determinen "como mellorar a contorna" e a incorporación de elementos novos de xogo.
Ademais, coa recente instalación das canchas deportivas tamén haberá que decidir cara a onde se amplía este parque infantil que, en todo caso, aumentará notablemente o seu espazo dentro da configuración da nova praza.
Relacionadas:
-
Os alumnos de Barcelos estrean a praza como patio do colexio
Por Oskar Viéitez & Mónica Patxot |
-
Os escolares do CEIP de Barcelos xa poden utilizar as novas instalacións da praza
Por Anxo Lourido |
-
Acordo para utilizar o espazo peonalizado en Barcelos como patio do colexio
Por Alejandro Espiño |
-
Empezan a instalar as novas pistas deportivas de Barcelos
Por Redacción |
-
Barcelos contará con dúas pistas polideportivas con porterías e canastras
Por Redacción |