5,5 millóns de cupóns da ONCE para conmemorar o 75 aniversario do Pontevedra
Por Diego Espiño
O Estadio Municipal de Pasarón é a imaxe elixida para ilustrar o cupón da ONCE do próximo domingo 16 de outubro, coincidindo co 75 aniversario do Pontevedra Club de Fútbol.
O club granate será protagonista en todo o Estado, xa que o cupón levará gravado a inscrición "75 Aniversario (1941-2016). Pontevedra CF, SAD".
En total distribuiranse 5,5 millóns de cupóns, nunha iniciativa que parte do "cariño de nuestro presidente, Miguel Carballeda, hacia el club y la ciudad", sinalou Manuel Martínez, delegado da ONCE e Galicia, en relación ao presidente da entidade, pontevedrés de nacemento.
"Es una contribución humilde pero es lo más valioso que tenemos, la imagen de nuestro cupón", completou, ao que a presidenta do Pontevedra, Lupe Murillo, engadiu que "va a ser un recuerdo para siempre".
Ademais de nos puntos habituais, o cupón poderá adquirirse o propio domingo 16 no Estadio Municipal de Pasarón, durante o partido que enfrontará ao Pontevedra e Lealtad.
O cupón da ONCE ofrece, as fins de semana, un premio principal ás cinco cifras e serie de 300.000 euros, máis 5.000 euros ao mes durante 20 anos consecutivos a un só cupón do número e serie premiados na primeira extracción. Ademais, premios de 2.000 euros ao mes durante 10 anos consecutivos, aos catro cupóns dos números e serie premiados nalgunha das extraccións da segunda á quinta. 54 premios de 20.000 euros ás cinco cifras do número premiado na primeira extracción. E premios de 400, 200, 30, catro e dous euros.
Relacionadas:
-
Os vendedores da ONCE volven á rúa
Por Redacción |
-
Os cupóns da ONCE difunden a Feira Franca
Por Redacción |
-
Un vendedor da ONCE reparte 500.000 euros en premios en Vilanova de Arousa
Por Redacción |
-
Final feliz en Pasarón a un día de festa granate con vitoria (3-0) ante o Lealtad
Por Ramiro Espiño & Diego Torrado |
-
O Pontevedra, a poñer a guinda ao seu aniversario gañando ao Lealtad
Por Diego Espiño |
-
Vicente Del Bosque, a sinxeleza no mundo do fútbol
Por Redacción |
-
Jorge Valdano e a literatura do fútbol
Por Redacción |
-
Memorias de ascensos e grandes batallas granates no Teatro Principal
Por Redacción |
-
75 anos de paixón polo Pontevedra
Por Diego Espiño & Mónica Patxot |
-
O Pontevedra presenta o calendario de actos do seu 75 aniversario
Por Diego Espiño |