Cuntis completa o Plan Concellos con 50.000 euros para obras e recibe un novo préstamo
Por Redacción
O Plan Concellos xa está rematado no que se refire ao Concello de Cuntis. Unha resolución presidencial da Deputación vén de aprobar unha nova achega económica á vila por valor de 50.000 euros, destinada á realización de proxectos de obras participativas no municipio.
Ao ter completado o seu orzamento ao abeiro do Plan Concellos 2016, Cuntis recibiu un investimento por parte da institución provincial de 502.586,83 euros.
Esta última partida recibida por Cuntis súmase aos case 216.000 euros para arranxos de rúas e camiños, conexións na rede de saneamento, melloras de depuradoras e melloras na rede de semáforos e alumeado; ou os 70.000 euros no cambio de tellado no centro Patelas e nas escolas de Mesego, Cequeril e Portela.
Ademais, destináronse 35.000 euros para limpezas de cunetas e outros 19.000 euros para actividades culturais, deportivas, sociais, turísticas e medioambientais; e os 113.000 restantes foron para a contratación de 20 traballadores que desenvolven as súas profesións nos servizos municipais.
PRÉSTAMO SEN XUROS
Para Cuntis, a Deputación de Pontevedra tamén aprobou a concesión dun novo préstamo sen xuros, dentro da liña reservada aos concellos de menos de 50.000 habitantes da provincia.
Deste xeito, Cuntis recibirá a cantidade de 96.938,87 euros que serán destinados ao arranxo de varias pistas deterioradas por mor dos temporais.
Relacionadas:
-
Cuntis comeza a acondicionar as novas oficinas de servizos sociais
Por Redacción |
-
Cuntis revisa o estado dos colectores de saneamento da vila
Por Redacción |
-
Empezan as obras de conexión do centro de día de Cuntis á rede de sumidoiros
Por Redacción |
-
Carmela Silva visita proxectos e obras feitas en Cuntis coas achegas da Deputación
Por Redacción |
-
O Plan Concellos chega ao 95% de execución con preto de 38 millóns investidos
Por Redacción |
-
Cuntis, Meis e Vilanova de Arousa aproban novas obras do Plan Concellos
Por Redacción |
-
Cuntis, A Illa e Vilagarcía reciben axudas da Deputación para actividades sociais
Por Redacción |