O Banco de Alimentos recolle en Pontevedra e Portonovo preto de 5 toneladas de comida
Por Redacción
A Fundación Provincial Banco de Alimentos recolleu esta fin de semana preto de 5 toneldas de comida na Operación Quilo simultánea celebrada en Pontevedra e Portonovo, segundo o cómputo realizado este luns no almacén da rúa Faustino Santalices.
A recollida de alimentos desenvolvida na cidade de Pontevedra traduciuse nuns 3.500 quilos de comida, mentres que no caso de Portonovo foron uns 1.500 quilos.
Durante esta acción solidaria desenvolvida o venres e o sábado en dúas superficies comerciais, participaron uns 40 voluntarios que, coa súa presenza, facilitaron as doazóns por parte da cidadanía. Precisamente, a eles é a quen agradece a ONG a súa sensibilidade cos que peor o están pasando.
A Fundación xa ten a súa vista posta na Gran Recollida Solidaria prevista o 25 e 26 de novembro.
Unha cita fundamental para a que o Banco de Alimentos leva meses traballando na que será a súa cuarta edición. Como en anos anteriores, será unha acción simultánea que se desenvolverá en supermercados e hipermercados de toda España e tamén a nivel europeo.
Durante a edición de 2015 foron máis de 300.000 quilos de alimentos os doados pola cidadanía nos máis de 130 establecementos da provincia que se sumaron á iniciativa solidaria. Nela, participaron uns 1.500 voluntarios e a embaixadora foi a actriz viguesa María Castro.
Nos seis primeiros meses de 2016, a Fundación Provincial Banco de Alimentos repartiu uns 600.000 quilos de comida, un 20% máis que durante o mesmo período de 2015.
Relacionadas:
-
70 voluntarios en Pontevedra e Marín para unha nova Operación Quilo en varios Gadis
Por Redacción |
-
Volve a Operación Quilo a Pontevedra e Poio para distribuír alimentos a 3.000 persoas da comarca
Por Redacción |
-
Cupcakes e doces solidarios na particular operación Quilo de Marín
Por Redacción |
-
Os árbitros pontevedreses de fútbol e fútbol sala inician unha recollida solidaria de alimentos
Por Redacción |
-
Gonzo, padriño da gran recollida solidaria do Banco de Alimentos
Por Alejandro Espiño & Mónica Patxot |
-
Precisan 500 voluntarios para a Gran Recollida Solidaria dos días 25 e 26 de novembro
Por Redacción |
-
Os máis cañeros reuníronse en Pontemuiños
Por Diego Torrado |
-
O compost de Monte Porreiro usarase na horta ecolóxica do barrio cuxa colleita será para o Banco de Alimentos
Por Oskar Viéitez |
-
Máis de 100.000 quilos de comida en seis meses para axudar aos máis necesitados
Por Redacción |
-
O Banco de Alimentos xunta 10.000 quilos de comida nunha nova recollida solidaria
Por Redacción |