Volta ao cole sen incidentes
Por Oskar Viéitez & Cristina Saiz
Este luns comezaron o curso na cidade de Pontevedra 2.496 escolares no caso de educación infantil, un total de 5.176 en primaria. En total en Galicia foron 200.783 rapaces.
O conselleiro de Educación, Román Rodríguez, acompañou este luns aos alumnos do Colexio de Seixo, en Marín, no seu primeiro día de clase. E o alcalde de Pontevedra, Miguel Anxo Fernández Lores, acudiu co mesmo propósito ao de Salcedo.
Segundo o titular do departamento educativo da Xunta de Galicia o curso arrincou con "total normalidade" nos centros das catro provincias galegas. Só houbo catro centros que non iniciaron as clases hoxe, en concreto nos municipios pontevedreses da Lama e Fornelos de Montes, e nos coruñeses de Santiso e Dumbría.
Nun encontro cos medios explicou que no caso do CEIP A Lama, a unidade técnica e inspección acordaron coa dirección do centro trasladar aos alumnos a unha parte diferente do edificio educativo mentres non finalizan as obras na cuberta para que a actividade lectiva poida continuar con plenas garantías de seguridade.
Ademais, a empresa adaptará os seus horarios de traballo para realizar o maior volume posible do mesmo polas tardes e interferir así menos na actividade lectiva.
Durante a visita a Marín, Román Rodríguez destacou que xa están finalizadas "case o 80% das actuacións previstas" ao amparo do Plan de Infraestruturas 2016/2020, da partida destinada a Reparación, Ampliación e Mellora (RAM) e do Fondo de Superávit e máis do 90% xa foron adxudicadas.
Relacionadas:
-
Máis de cinco mil estudantes pontevedreses comezaron as clases da ESO e o Bacharelato
Por Mónica Patxot & Redacción |
-
Ponte Caldelas ofrécese para acoller ao alumnado da Lama
Por Redacción |
-
Suspenden as clases no CEIP A Lama polos estragos causados pola chuvia
Por Redacción |
-
Os colexios de Bueu, a punto para o inicio do curso escolar
Por Redacción |
-
90.000 euros para o mantemento de seis colexios do concello
Por Redacción |
-
Aprender a emprender desde a escola
Por Alejandro Espiño |
-
Educación acusa o alcalde de Ponte Caldelas de facer "política de antaño" utilizando electoralmente os colexios
Por Redacción |
-
Libros, material escolar, roupa, calzado… volven o cole e un gasto mínimo de 628 euros por neno
Por Redacción |