O parking para autocaravanas empezará a executarse en outubro
Por Alejandro Espiño
En outubro. É a data que baralla o Concello de Pontevedra para comezar a habilitar nos antigos terreos de Tafisa un parking para autocaravanas, unha infraestrutura que contará con vinte prazas para este tipo de vehículos.
A Xunta de Goberno aprobou este luns o proxecto e acordou sacar a licitación estes traballos, valorados en 209.385,29 euros, IVE incluído.
As empresas interesadas neste contrato, que se licita mediante a fórmula de negociado sen publicidade, teñen cinco días para presentar as súas ofertas.
O portavoz do goberno municipal, Raimundo González, explicou que os pregos deste proxecto marcan un prazo de execución de tres meses, polo que o parking debería estar terminado, como moi tarde, a principios de 2017.
O estacionamento para autocaravanas só ocupará un terzo da parcela na que se situará, a que estaba reservada para hotel e que será utilizada mentres non haxa interesados en comprala. O resto será habilitado como aparcadoiro disuasorio, que terá espazo para 66 vehículos.
OUTROS ASUNTOS
Ademais, a Xunta de Goberno aprobou unha nova modificación de crédito de 1.079.000 euros. Destinarase, se así se aproba no pleno, a expropiación de terreos, melloras nos edificios do mercado, a aumentar as primas dos seguros de inmobles municipais e a amortización de débeda.
Tamén se adxudicou a Abanca o préstamo de 2,6 millóns de euros que solicitará o Concello para financiar os investimentos recollidos no orzamento municipal. Segundo Raimundo González, a entidade presentou a mellor proposta, situando o interese do crédito no euribor máis 0,95.
Relacionadas:
-
Pontevedra estreará en Semana Santa a "mejor" área de autocaravanas de España
Por Oskar Viéitez |
-
En marcha o proxecto para habilitar un estacionamento de autocaravanas
Por Redacción |
-
COVSA executará o parking para autocaravanas en Tafisa
Por Alejandro Espiño |
-
Anabel Gulías calma o malestar dos veciños da contorna de Tafisa co proxecto dun estacionamento de autocaravanas
Por Redacción |
-
Veciños da contorna de Tafisa piden anular o proxecto dun estacionamento de autocaravanas na zona
Por Redacción |
-
O estacionamento de autocaravanas terá cabida para 18 vehículos
Por Redacción |