Primeiros nomeamentos na Orde dos Sanbeniteiros
Por Diego Torrado
O patio nobre do Mosteiro de Lérez acolleu este domingo o acto de recoñecemento e ingreso na Orde dos Sanbeniteiros.
Coa intención de revitalizar e divulgar a parroquia de Lérez, por situación xeográfica, influencia cultural e social en Pontevedra e contorna, así como de posta en valor da súa riqueza xeográfica, ecolóxica e humana, constituíuse o Consello Rector da Orde dos Sanbeniteiros, entendendo a San Benito como ese persoeiro intemporal que ao longo dos séculos acompaña a Lérez mais alá de calquera outra clasificación.
Con este obxectivo, e con carácter anual, este Consello Rector pretende nomear a aqueles veciños que tanto por traxectoria como polo seu apoio a Lérez, contribuen no seu día a día de forma desinteresada a darlle relevancia á parroquia, de ahí a denominación de "sanbeniteiros".
Foron merecedores deste recoñecemento:
- Crisanto Rial López, cura párroco do Divino Salvador de Lérez
- Carmela Reboreda Sánchez, colaboradora veciñal e organizadora catequista parroquial.
- Manuel Ogando Casalderrey, presidente da Asociación Cultural Santísimo Cristo do Consuelo (Lérez)
- Constante Rodríguez Santos, primeiro presidente da Asociación de Veciños de Lérez
O acto contou coa actuación do grupo vocal "Os da Chispa" e da escola de gaiteiros en toque pechado "Gaiteiros das Rías Baixas".