O Princesa de Asturias de Piragüismo pechará a ponte do Burgo o luns 15
Por Redacción
O trofeo Princesa de Asturias de Piragüismo que se celebrará o vindeiro luns 15 de agosto nas rías da Ría de Pontevedra incluirá novas restricións de tráfico a maiores das que xa se puxeron en marcha con motivo das Festas da Peregrina. A meta da proba deportiva será na ponte do Burgo, de modo que haberá tanto cortes na circulación de vehículos como limitacións de estacionamento.
Segundo informa a Policía Local de Pontevedra, púxose en marcha un operativo especial de tráfico e desde este venres xa se instalaron os valados informativos sinalizando que queda prohibido estacionar no aparcadoiro disuasorio ubicado xusto fronte ao pavillón de deportes a partir das 4.00 horas da madrugada do domingo ao luns.
Ademais, o propio luns día 15 de agosto pecharase totalmente ao tráfico a ponte do Burgo sobre as 11.00 horas e non se poderá circular ata aproximadamente as 15.00 horas.