18 asistencias por intoxicación etílica durante a primeira xornada de 'peñas'
Por Diego Espiño
Finalizada a primeira xornada de 'peñas' nas rúas da cidade, os servizos de emerxencia fan balance dunha noite na que non se rexistraron incidentes de gravidade pero na que si foi necesario realizar atencións médicas de emerxencia.
Entre os efectivos sanitarios do 061 e a ambulancia de Cruz Vermella habilidada polo Concello atenderon un total de 18 intoxicacións etílicas.
O 061 atendeu 16 delas, 7 sen que fóra necesario o traslado do atendido a un centro médico. Pola contra 8 persoas foron evacuadas ao hospital de Montecelo e outra ao Punto de Atención Continuada (PAC) da Parda.
Pola súa banda a Cruz Vermella trasladou a unha persoa a Montecelo por intoxicación etilíca e outra á Parda. Ademais levou a Montecelo a outras persoa por unha dor abdominal e a dúas á Parda por contusións.
As asistencias de Cruz Vermella completáronse con tres intervencións por "cuestións menores".
Relacionadas:
-
O goberno local xustifica os botellóns da "festa de peñas" como un acto autoxestionado pola mocidade
Por Cristina Saiz & Diego Torrado & Anxo Lourido |
-
A celebración de 'peñas' desmárcase dos touros
Por Diego Espiño & Diego Torrado |
-
O Concello permitirá este sábado as celebracións de 'peñas' aínda que non haxa touradas
Por Marisa Ciordia & Natalia Puga |