Dous feridos graves ao envocar o seu turismo na circunvalación de Vilagarcía
Por Redacción
Dúas persoas resultaron feridas con carácter grave na tarde deste venres nun accidente de tráfico rexistrado no tramo da estrada N-640 que fai de circunvalación da localidade de Vilagarcía de Arousa. O turismo no que viaxaban quedou envorcado na beiravía.
O sinistro produciuse sobre as 17.55 horas e, segundo informou o Centro de Atención de Emerxencias de Galicia 112, o coche saíu da vía no tramo de circunvalación de Cornazo, en dirección ao Hospital do Salnés.
Ata o lugar do accidente achegouse o helicóptero medicalizado de Urxencias Sanitarias de Galicia-061 con base en Santiago de Compostela para o traslado dos feridos a un centro hospitalario.
Ademais, o persoal do 112 Galicia pediu a colaboración dos Bombeiros do Salnés e do servizo municipal de Protección Civil de Vilagarcía.