Elena Suárez será a tenente de alcalde de Vilagarcía
Por Oskar Viéitez
A concelleira Elena Suárez será a tenente de alcalde do Concello de Vilagarcía e Rocío Llovo a voceira do goberno municipal.
Estes cambios veñen propiciados polo abandono da corporación local de Marta Rodríguez Arias para dedicarse en exclusiva á súa actividade como viceportavoz do Partido Popular no Parlamento de Galicia.
O alcalde de Vilagarcía, Tomás Fole, necesita un concelleiro que se dedique en exclusiva a este municipio, a oitava cidade máis grande de Galicia.
Marta Rodríguez xa non asistirá ao pleno ordinario previsto para o 25 de febreiro.
Cando formalice a renuncia activarase o trámite para a incorporación da nova concejala, Ana Granja.
"Non me marcho, sigo en Vilagarcía que para min sempre foi o primeiro e o seguirá a ser, pero agora desde o Parlamento e o partido en lugar de desde o salón de plenos", manifestou Rodríguez Arias.