Piden aos políticos a súa presenza na protesta antitaurina
Por Oskar Viéitez
A plataforma Galicia, Mellor Sen Touradas propuxo este luns que os cargos electos da provincia de Pontevedra participen de forma visible na manifestación convocada o próximo día 13 de agosto por Touradas Fóra de Pontevedra, para comprometer o apoio das súas formacións no fin das corridas de touros na cidade e en Galicia.
Os abolicionistas lembran que durante as protestas da Coruña de 2013 e 2014, participaron deputados, concelleiros e eurodeputados de formacións como BNG, PSdeG e Esquerda Unida, e nestes percorridos tamén tomaron partido futuros cargos, como gran parte dos edís de Marea Atlántica.
Para a coalición é "fundamental" que os cargos electos dean "profundidade" ás protestas coa súa presenza.
Neste sentido Galicia, Mellor Sen Touradas subliña que o apoio político ao proceso contrario á tauromaquia "é cada vez maior e máis plural", e convida ao propio grupo de goberno a "dar o seu brazo para torcer" e participar da convocatoria, ademais da participación de concelleiras de Marea Pontevedra e do grupo socialista.
Os activistas tamén apelan a Cidadáns e a outras candidaturas, como En Marea, para que faciliten a súa participación.
Relacionadas:
-
Colectivos antitaurinos quentan motores para a manifestación do 13 de agosto cun acto político
Por Redacción |
-
Touradas fóra de Pontevedra 'ficha' á actriz Mayka Braña para a súa manifestación do 13 de agosto
Por Redacción |
-
Convocan unha mobilización antitouradas coincidindo coa celebración da Feira da Peregrina
Por Redacción |
-
20 colectivos e 45 persoeiros da cultura, a arte e a educación asinan un manifesto contra as touradas
Por Redacción & Mónica Patxot |
-
Animalistas lamentan que o BNG goberne para a "minoría taurina"
Por Redacción |