Bertín Osborne, Dvicio, Loquillo, Izal e Xoel López, atractivos para as Festas da Peregrina
Por Redacción
Bertín Osborne, o presentador de 'Mi casa es la tuya', será unha das estrelas dos concertos da Semana Grande das Festas de Peregrina. O cantante de 'Boas noites, señora' actuará na Praza de España o próximo 15 de agosto.
A concelleira de Festas, Carme da Silva, presentaba este xoves a programación de verán con numerosas actividades durante os meses de xullo e agosto ata o peche dos festexos o 3 de setembro coa celebración dunha nova edición da Feira Franca.
Os concertos principais da Peregrina serán os seguintes días de agosto:
Sábado 13: Dorian e La Casa de los Ingleses
Domingo 14: Xoel López
Luns 15: Quatro de abril e Bertín Osborne
Martes 16: Furious Monkey House e Izal
Mércores 17: Fran Amil e a Tribo Incomprensíbel. Treixadura e Banda de Música de Pontevedra
Xoves 18: Los tres soles del Paraguay e concerto World Dance Music
Venres 19: Daniel Minimalia e Rosa Cedrón
Domingo 21: Loquillo
A concelleira destacou que todos os concertos son gratuítos e que levan negociando estas actuacións desde hai un ano para tentar obter cachés que poidan adecuarse ao orzamento de todas as festas do verán, que se achega ao millón de euros. Apuntou que os cachés que non se negocian son os relativos a agrupacións galegas.
Da Silva afirmou tamén que hai artistas que non se programan para as Festas da Peregrina porque non aceptan concertos sen venda de entrada por despacho de billetes, unha condición que desde o goberno local rexeitan porque entenden que estas actuacións teñen que ser de acceso libre.
As actividades das festas comezan este sábado 2 de xullo co concerto da Banda de Música de Salcedo e da Banda Municipal de Narón na praza do Teucro. Continuará co Memorial Ricardo Portela, a romaría de San Benito de Lérez, o ciclo de teatro, música, maxia e circo para escolares Cultura non Camiño na praza do Teucro ou o Festival de Jazz que se desenvolverá entre o 13 e o 18 de xullo coa Big Band e a actuación, entre outros, de Cecil Mclorin. Tamén terán especial protagonismo outras actividades como Itineranta ou as sesións de 15 birlos, actuacións con grupos do Local de Música de Pontevedra.
Relacionadas:
-
Os sons latinos de Los tres soles del Paraguay non deixan nin unha cadeira baleira
Por Diego Torrado |
-
Os fans de Furious Monkey House e Izal compiten en fervor
Por Diego Torrado & Redacción |
-
Bertín Osborne abarrota a praza de España e Quatro D Abril case enche na Ferrería
Por Diego Torrado |
-
O tirón de Xoel López volve encher a praza de España
Por Diego Torrado |
-
Dorian e La Casa de los Ingleses abren coa praza chea os concertos da Peregrina 2016
Por Cristina Saiz |
-
As Festas da Peregrina chegan. E con fogos de artificio!
Por Redacción |
-
Na noite deste martes péchanse ao tráfico as rúas Raíña Vitoria e Alameda con motivo das festas da Peregrina
Por Redacción |
-
Os 15 Bolos trasládanse á praza de Curros Enríquez con formato de festival
Por Marisa Ciordia |
-
Este luns na praza do Teucro comeza a programación infantil das Festas de Verán
Por Redacción |
-
Rodrigo Cota será o pregoeiro das Festas da Peregrina 2016
Por Alejandro Espiño |
-
Cécile McLorin, Antonio Sánchez e "King Solomon" Hicks, estrelas do Festival de Jazz
Por Mónica Patxot & Anxo Lourido |
-
Comeza a festa co Memorial Ricardo Portela
Por Mónica Patxot & Oskar Viéitez |