A PAH denuncia que alguén pide diñeiro no seu nome de forma fraudulenta en Sanxenxo
Por Redacción
A Plataforma de Afectados pola Hipoteca (PAH) de Pontevedra advertiu á Policía Local de Sanxenxo da presenza no municipio dunha serie de individuos que solicitan nos domicilios particulares apoio económico para este colectivo, pero que non teñen nada que ver con eles. Tras recibir a queixa, a Concellería de Seguridade Cidadá fixo pública a denuncia.
A PAH está estes días presente en Sanxenxo porque apoia a acampada que desde hai uns día protagoniza unha veciña de Portonovo ante a sucursal dunha entidade bancaria para buscar unha alternativa ao seu desafiuzamento.
Tras detectar esta petición de fondos fraudulenta, o colectivo lembra que a acampada ten un carácter exclusivamente reivindicativo e que se está mantendo con fondos propios, polo que descoñecen a identidade de quen recada fondos, de forma fraudulenta, no seu nome.
Desde a Concellería de Seguridade convidan os cidadáns a denunciar ante a Policía Local esta petición de fondos non autorizada a través do número de teléfono 986 72 70 72.
Relacionadas:
-
A Plataforma de Afectados pola Hipoteca acode ao Pleno para pedir aos políticos locais que se 'mollen'
Por Redacción |
-
"En Pontevedra a la gente le cuesta asumir que es pobre, prefieren entregar la vivienda a luchar por ella"
Por Anxo Lourido |
-
O Concello de Ponte Caldelas advirte a Abanca que retirará as súas contas se se producen desafiuzamentos
Por Redacción |