Os socialistas reclaman un polideportivo ao carón do colexio de Seixo
Por Redacción
A deputada socialista Carmen Gallego presentou unha serie de iniciativas parlamentarias para reclamarlle ao goberno galego que constrúa o futuro polideportivo da parroquia de Seixo na súa ubicación orixinal, ao carón do colexio público.
Gallego advirte da intención do goberno galego de construír as novas instalacións no terreo do antigo campo de fútbol, desprezando o terreo adquirido polo Concello e "perdendo a oportunidade de ofrecer os servizos do polideportivo ao colexio público e á escola infantil que existen á súa beira".
Esta decisión suporía que as novas instalacións "perderan boa parte da súa utilidade" para os nenos das escolas e desoíndo a reivindicación veciñal.
Apunta que o terreo adquirido no seu día para a construción do polideportivo permanece baldío, mentres o goberno decidiuse a construír sobre o antigo campo de fútbol.
Acúsaos de "esquecer" que o concello conseguira na etapa socialista unha axuda de 60.000 euros do Goberno central para facer un novo campo de fútbol, "un investimento que se perdeu de novo polo desleixo do goberno galego, que se negou a investir 200.000 euros para facer unhas novas instalacións", apuntaron.
Relacionadas:
-
Rematan as obras de mantemento no colexio de Seixo
Por Redacción |
-
A apañar silveiras para poder xogar ao fútbol en Seixo
Por Redacción |
-
Abre as súas portas a Escola Infantil de Seixo
Por Redacción |
-
O BNG de Marín pide partidas orzamentarias para o Centro Cultural, a Nave de Deportes Náuticos e o Pavillón de Seixo
Por Redacción |
-
Colectivos culturais e deportivos de Marín acordan medidas de presión para lograr instalacións dignas
Por Redacción |
-
Marín dá os primeiros pasos para dotar a Seixo dun pavillón de deportes
Por Redacción |