Distintas iniciativas achegan á ‘boa vila’ a realidade das persoas refuxiadas
Por Redacción
Queres saber que é unha persoa refuxiada? Que está a pasar cos milleiros de refuxiados que chaman á porta de Europa? Para dar resposta a estas cuestións e evaluar a situación a Concellaría de Benestar Social Municipal do Concello de Pontevedra organiza unha mesa redonda este mércores 27 de abril, ás 19:00 horas no Casino Mercantil, na praza de Curros Enríquez.
Esta mesa é o arranque dun ciclo de conferencias que irá de maio até novembro onde se seguirá a falar das causas polas que hai persoas refuxiadas e desprazadas das súas casas. Un ciclo que reflexionará tamén sobre conflítos como Chechenia, Kurdistán e sobre América Latina.
Para iso, visitarán a cidade destacadas coñecedoras das diversas temáticas como Nazanín Armanian, profesora da UNED, Marta Ter Ferrer, da Liga dos Dereitos dos Pobos, Leyla Zana, escritora e feminista kurda, premio Sajarov e Ignacio Ramonet director da edición española de Le Monde Diplomatique.
XORNADA DE SENSIBILIZACIÓN
Ademáis este venres, 29 de abril, o Museo de Pontevedra acolle a xornada "Na procura de refuxio", con mor de concienciar á cidadanía sobre os riscos que conleva fuxir da guerra e a dramática situación que viven diariamente os refuxiados.
Ao longo da mañá expoñeranse as experiencias de profesionais, voluntarios e organizacións que visitaron a zona. Estas, estarán organizada en tres bloques temáticos: o primeiro deles centrado no traballo que desempeñan as ONGs no terreo, o segundo enfocado na labor que realizan os voluntarios nas zonas afectadas e, o terceiro, o rol dos medios de comunicación na cobertura mediática do conflito.
Relacionadas:
-
Pontevedra e Vilagarcía súmanse ao 'Día Mundial do Refuxiado' con concentracións este domingo
Por Redacción |
-
Unha charla e un concerto benéfico, para recadar fondos para os refuxiados en Idomeni
Por Redacción |
-
Aqueles tempos cando os pontevedreses eran refuxiados
Por Oskar Viéitez |
-
'Sente Siria' desde Pontevedra
Por Redacción |
-
A Deputación organiza unha xornada de sensibilización sobre a situación dos refuxiados
Por Redacción |