O Torreiro entrega dúas toneladas de alimentos
Por Oskar Viéitez
A Asociación Cultural O Torreiro de Forzáns, no municipio de Ponte Caldelas, recolleu dúas toneladas de alimentos para repartir entre familias necesitadas.
O colectivo, en colaboración co cura das parroquias de Xesta, Xende, Gaxate e Forzáns, David Dosantos, logrou reunir tal cantidade de alimentos.
Na súa maioría trátase de produtos non perecedeiros, pero tamén recolleron polos, fiambre ou leite.
Uns 350 quilos foron entregados directamente a familias das parroquias a través do sacerdote.
A colecta desenvolveuse en oito parroquias dos municipios de Ponte Caldelas e A Lama. O Torreiro destacou a boa disposición mostrada polos veciños.