Kandinsky e a moda coincidirán este sábado no Mercado de Abastos
Por Anxo Lourido
O primeiro andar do Mercado de Abastos converterase por segunda vez nun espazo no que se combine a moda e a arte a través dunha nova edición da Sétima Feira, un evento que levará a cabo este sábado 12 de marzo desde as 11.00 ata as 15.00 horas.
Nesta ocasión instalaranse 17 postos de venda de diferentes produtos que van desde xoiería a gastronomía coa participación de diferentes establecementos como A Tenda da Gata. Se na primeira edición, 25 empresas solicitaron a súa presenza na Sétima Feira para este sábado foron 52 as entidades interesadas. Nesta ocasión tamén se poñerá en marcha un obradoiro sobre as técnicas creativas do pintor ruso Kandinsky destinado a escolares entre 5 e 12 anos.
Ademais, esta segunda edición quérese centrar no téxtil, tanto desde o punto de vista creativo como no da venda. Por este motivo, a deseñadora Marta Moldes mostrará o seu método de traballo no primeiro piso do Mercado a todos aqueles que se acheguen, ao mesmo tempo que venderá pezas de roupa exclusivas. Tamén están previstas as actuacións musicais do dj Javi de la Torre e de Querido Extraño.
Na anterior edición cada posto obtivo unha ganancia media de 112 euros. Este éxito leva a que a organización xa conta con solicitudes para a edición de abril.
A Sétima Feira celébrase o segundo sábado de cada mes.
Relacionadas:
-
A moda sostible galega despide ata setembro a Sétima Feira
Por Redacción |
-
A música impulsa unha Sétima Feira de record
Por Redacción & Diego Torrado |
-
A segunda Sétima Feira estará dedicada ao téxtil
Por Redacción |
-
"Que cantan, en australiano?"
-
A imaxinación aniña na primeira planta do Mercado
Por Redacción |