A plataforma de afectados da estrada PO-234 di que non están manipulados políticamente
Por Redacción
A plataforma de afectados da estrada PO-234, emitiu un comunicado co que queren desmentir as palabras de portavoz do Partido Popular de Ponte Caldelas, Ricardo Castro, nas que acusa aos veciños de Laxoso de ser "manipulados" polo alcalde, Andrés Díaz.
No seu escrito sinalan que a súa plataforma está conformada "sen siglas políticas, unicamente por veciños e veciñas comprometidos cunha única causa, o arranxo da estrada PO-234".
A vicepresidenta e vicevoceira Cristina Quinteiro quere deixar constancia da "capacidade intelectual" de todos os veciños e esclarecer que "en ningún caso están a ser manipulados por ningún grupo político".
Ademáis sinala que lle gustaría saber de onde sacou dita información Ricardo Castro dado que nunca se dirixiu a ningún membro da plataforma nin asistiu a ningunha reunión.
Dende a plataforma rematan o comunicado solicitando "a máxima colaboración".
Relacionadas:
-
A plataforma de afectados pola PO-234 esixe que a estrada se reforme "dunha tacada"
Por Redacción |
-
Os afectados pola PO-234 chaman a crear un foro de diálogo para axilizar o arranxo do vial
Por Redacción |
-
O PP de Ponte Caldelas acusa o alcalde de manipular aos veciños de Laxoso sobre a PO-234
Por Redacción |
-
Ponte Caldelas critica a "tomadura de pelo" da Xunta ao presentar un plano de 1905 para falar da mellora da PO-234
Por Redacción |