O Concello de Pontevedra reclama o desescombro do edificio incendiado aos propietarios
Por Redacción
O Concello de Pontevedra atópase na fase de localizar aos propietarios do edificio de Michelena 12, incendiado o pasado 1 de febreiro, para instarlles a que se retiren todos os elementos suceptibles de desprendemento, incluíndo os elementos de estrutura de madeira danados, ademais do apeo de todos os elementos dos que existe perigo de caída, entre eles, toda a estrutura portante.
Estas peticións derívanse do informe realizado polo arquitecto municipal no que tamén consta a reclamación aos propietarios para que leven a cabo o rebo e proceder á limpeza de todo o inmoble.
Os propietarios contarán cun prazo de trinta días para presentar un informe sobre as medidas adoptadas, que deberán estar avaladas por un técnico que determine que elementos corren perigo de desprenderse no edificio.
Esta operación será paralela á que acometa o equipo de axentes da Policía Nacional de Pontevedra e da Comisaría Xeral da Policía Científica, que está previsto que leven a cabo tarefas de desescombro para terminar a investigación sobre as causas que provocaron este incendio.
Relacionadas:
-
Comezan os traballos de desentullo do edificio incendiado na Ferrería
Por Alejandro Espiño & Mónica Patxot |
-
O PP pedirá explicacións ao 112 no Parlamento polo incendio da Ferrería
Por Oskar Viéitez |
-
Os cascallos do edificio da Ferrería impiden á Policía Científica avanzar na investigación do incendio
Por Mónica Patxot & Natalia Puga |
-
Axentes da Policía Científica desprazaranse desde Madrid para aclarar a orixe do incendio
Por Natalia Puga |