Núñez Feijóo: "Como galego en ningún caso me gusta a localización de ENCE"
Por Oskar Viéitez
O presidente da Xunta, Alberto Núñez Feijóo, que este venres asistirá en Pontevedra á xunta provincial do PP, referiuse este mércores á prórroga a Ence ata 2073 asegurando que "como galego en ningún caso me gusta a localización de ENCE" pero insistiu en que esa "non era a disxuntiva" a debate, senón que a "alternativa" á súa continuidade era o paro.
Na rolda de prensa celebrada tras a reunión do Consello da Xunta, Feijóo evitou valorar as declaracións "broncas" do alcalde de Pontevedra, Miguel Anxo Fernández Lores. Ademais dixo que o rexedor da capital "practicamente non falou de Ence" durante a campaña electoral "probablemente porque sabe o impacto no emprego que pode ter pechar Ence".
O presidente do Executivo galego ha subliñado que o que está en xogo é "o paro de centenares de persoas" que traballan para a factoría, así como "un impacto enorme" para o Porto de Marín e en miles de familias galegas "que venden a madeira para Ence".
O lider do PPdeG considera que é "moi fácil falar" desde "determinados asentos, butacas ou escanos", pero contrapuxo que "á xente que vai traballar, que vende a madeira ou leva un camión", hai que explicarlle que "a única alternativa que actualmente ten Ence é o paro na cidade con máis paro de Galicia".
Tras lembrar que o PP tentou "trasladar" Ence, concluíu en que a compañía pasteira ten "agora máis que nunca unha débeda con Pontevedra e con Galicia", polo que espera que cumpra cos investimentos comprometidos.
Relacionadas:
-
Ence, 60 anos máis en Lourizán; Elnosa, mantense á espera
Por Mónica Patxot & Diego Torrado & Anxo Lourido |
-
Unha canción de amor para ENCE
Por Redacción |
-
O PSOE pide a comparecencia no Congreso da directora xeral de Mar pola prórroga a ENCE
Por Redacción |
-
Moreira: "ENCE ha conseguido lo que quería, ahora le toca a ellos trabajar por Pontevedra"
Por Alejandro Espiño |
-
Medio Ambiente fixa condicións asumibles para ENCE e remite os seus opositores á Audiencia Nacional
Por Alejandro Espiño |
-
O balcón do Concello volve falar: "Ence fóra da ría para sempre"
Por Alejandro Espiño & Mónica Patxot |
-
ENCE Fóra! sae á rúa para mostrar o seu rexeitamento á prórroga para a pasteira
Por Alejandro Espiño & Mónica Patxot |