Comisións Obreiras gaña as eleccións sindicais en Cabomar
Por Redacción
Este venres tiveron lugar as eleccións sindicais en Cabomar Congelados, a empresa con maior número de traballadores do Porto de Marín, cun plantel de 226 persoas.
Os traballadores tiñan que elexir un comité de empresa formado por 9 membros, 7 polo colexio de Especialistas e 2 polo colexio de Técnicos, e Comisións Obreiras gañou as eleccións a pesar de que non presentaron candidatura no colexio de técnicos.
Segundo os datos facilitados polo secretario comarcal de CC.OO., José Luis García Pedrosa, no colexio de especialistas CC.OO. obtivo 72 votos (4 delegados), CIG 39 votos (2 delegados) e UGT 21 votos (1 delegado).
No colexio de técnicos CIG obtivo 19 votos (1 delegado) e UGT 15 votos (1 delegado).
Polo tanto, na representación global o sindicato Comisións Obreiras obtivo 4 delegados, CIG 3 e UGT 2 delegados.
Nas anteriores eleccións sindicais UGT obtivera 6 delegados, CIG 2 delegados e CC.OO. 1 delegado.