Masa Crítica denuncia a aparición de trampas para ciclistas no Monte Castrove
Por Redacción
O colectivo Masa Crítica denunciou a aparición de trampas para ciclistas no Monte Castrove, nas inmediacións do campo de golf e o centro de BTT do Salnés.
Segundo explican, un peón atopou este sábado "unha táboa dun metro e medio de largo fixada o chan con ferros e con cravos de punta cara arriba para facer o maior dano posible".
O lugar coincide co percorrido que hai dous anos realizou a Ruta BTTinto, con preto de 2.000 ciclistas inscritos, e na actualidade segue a ser usado por numerosos afeccionados da bicicleta e doutros deportes de montaña, ademais de ser transitada por moitos sendeiristas.
Tras este achado tanto Masa Crítica como a Asociación Pedaladas piden aos ciclistas que extremen a precaución na zona, á vez que solicitan a colaboracion de "tódolos usuarios do monte" para que se atopan táboas con cravos, cables nos camiños ou ramas de grandes dimensións bloqueando as pistas llo comuniquen á Policía Autonómica chamando ao 886 206 142.
Ademais a intención destas asociacións é convocar nos próximos días unha concentración de protesta ante o aumento "destas prácticas criminais".
Relacionadas:
-
Ciclistas e comuneiros abordarán nunha mesa redonda os "usos e abusos" do monte
Por Redacción |
-
Denuncian tres condutores por non respectar a distancia cos ciclistas na estrada
Por Redacción |
-
David Cal, Gómez Noya, Lucía Vázquez... todos están contra as trampas para ciclistas nos montes
Por Redacción |
-
Convocan concentracións en Monte Castrove e Pontevedra polas trampas para ciclistas nos montes
Por Redacción |