Crédito de 2,8 millóns para financiar a renovación da cuberta do municipal e outras obras urbanas e rurais
Por Diego Espiño
Catro entidades bancarias optan ao crédito de 2.885.496,14 euros que quere contratar o Concello de Pontevedra para financiar varias partidas incluídas no presuposto municipal.
Descartadas as ofertas presentadas por Bankia e Banco Santander por incumprir os requisitos do concurso público, optan a este contrato Abanca, BBVA, Sabadell e Bancaja, segundo explicou o concelleiro de Facenda, Raimundo González.
A falta de pechar a operación, o responsable municipal detallou a que se destinará este diñeiro, previsto unicamente para investimentos.
Deste modo 500.000 euros irán para a renovación da cuberta do Pavillón Municipal dos Deportes, 200.000 euros para melloras da rede de rede de sumidoiros, 700.000 para obras de accesibilidade rural, 400.000 euros para obras de accesibilidade urbana, 635.000 euros para a mellora de rúas, 150.000 para edificacións e 300.000 euros para as obras de Acues, todo iso en cifras aproximadas.
Raimundo González asegurou que a tramitación deste proceso non paralizará a contratación das obras a realizar.
Relacionadas:
-
O Pavillón Municipal recuperará este verán a cuberta orixinal de Alejandro de la Sota
Por Alejandro Espiño |
-
O Concello asina co Banco Sabadell un crédito de case tres millóns de euros
Por Alejandro Espiño |
-
Proxectan melloras de mobilidade, lombos incluídos, en oito vías do rural pontevedrés
Por Redacción |
-
O goberno local aproba 2,2 millóns de euros en diferentes investimentos
Por Oskar Viéitez |
-
A renovación da cuberta do Pavillón Municipal, aprazada ata o próximo verán
Por Diego Espiño |
-
Acordo BNG-PSOE para os orzamentos 2015: "Son os mellores posibles", di Lores
Por Alejandro Espiño |