O chiringuito de Sinás quere ser o máis responsable de España
Por Oskar Viéitez
O chiringuito de Sinás aspira a ser elixido polos seus clientes e amigos como o máis responsable co medio ambiente de todo o territorio nacional.
Trátase dun concurso que organiza a Fundación Biodiversidad a través de Ministerio de Medio Ambiente e este chiringuito xa foi seleccionado entre os 10 mellores de España para o premio Mencion Especial del Público, que se vota a través da rede social Facebook.
Entre os chiringuito que están máis valorados encóntranse o "Pura vida organic Restaurant" de Alcossebre (Castelló), o "Mojama beach" de Chiclana de la Frontera (Cádiz), "Lasal del Varador", en Mataró (Barcelona), "A Moraga", en Adra (Almería) ou "La Huella Galizano", en Galizano (Cantabria).
O chiringuito de Sinás está situado fronte á praia co mesmo nome en Raxó (Poio), o máis celebrado é o seu prato de polbo con tetilla, a súa coctelería e a música en directo.
Boa mostra do seu compromiso ambiental é o colector marítimo que, tras pasar toda a súa vida viaxando polos mares, reciclaron para convertelo no seu centro de operacións.