Por que estoupan as bebidas de cola ao mesturalas con caramelos de menta?
Por Redacción
Os estudantes de Primaria de Pontevedra espertan o seu interese pola ciencia a través do programa municipal Pontenciencia, cunha feira coñecida como Miniciencia que se desenvolve na facultade de Forestais, que pode visitarse durante toda a xornada deste venres 29 e durante a mañá 30 ata o mediodía do sábado.
Durante esta xornada comezou a revisión dos 33 proxectos científicos que foron avaliados polo xurado integrado polo concelleiro de Educación, Agustín Fernández, o representante da facultade de Forestais, Juan Picos e profesores do campus de Pontevedra.
Os proxectos dos colexios foron elaborados polos equipos da Xunqueira I, San Bieito (Lérez), Ponte Sampaio, Parada (Campañó), Froebel, Campolongo, San Martiño (Salcedo) e Marcos da Portela (Monte Porreiro) coa intervención de máis de 300 escolares.
As investigacións centráronse no mundo dos microbios, das erupcións volcánicas ou a influencia da luz no crecemento das plantas. Outros traballos investigaron sobre a invisibilidade ou por que explotan as bebidas de cola ao mesturalos con caramelos de menta.
Os proxectos das familias, compostas polos pais e os nenos de calquera tramo de Primaria, contan con epígrafes moi suxestivos: reciclaxe de aceite, da alga kombu á comida rápida, pegadas dactilares ou temos corda para un anaco.
A entrega dos premios será a partir das 13.20 horas do sábado, que consistirán en cheques de regalo para material escolar. Nesta iniciativa colaboran a concellaría de Educación e a Universidade de Vigo.
Relacionadas:
-
A investigación escolar plásmase nunha nova edición de Pontenciencia
-
A luz cega os escolares en Galiciencia
Por Redacción |
-
Pontenciencia esperta o espírito investigador e científico de 300 escolares pontevedreses
Por Redacción |
-
O xurado de Pontenciencia examina os 28 proxectos presentados
Por Redacción |