Sanxenxo pinta a cara pensando no verán
Por Redacción
A Concellaría de Obras e Infraestruturas, que dirixe Tino Sanmartín, está a acometer as obras de reforzo da sinalización, tanto vertical coma horizontal, en varias zonas do municipio.
Trátase dos traballos que a Administración local acomete habitualmente na tempada previa ao inicio da campaña estival.
Os operarios municipais están a levar a cabo tarefas de pintado dos sinais horizontais e recolocación e substitución dos elementos verticais na avenida de León, Camiño Vello, rúa Progreso, Rúa Castiñeiros (Sanxenxo), Fonte Buxanda (Bordóns), baixada á praia de Pragueira (Noalla), Miradoiro de Caneliñas (Portonovo) e no ámbito fonte de Fontoira (Padriñán), entre outros.
Estes labores foron coordinados previamente coa Policía Local que realizou un estudo das necesidades existentes nesta materia de cara ao verán.