Chegar e encher, Prosagal gaña as eleccións sindicais no CHOP
Por Oskar Viéitez
A Agrupación de Profesionais da Saúde de Galicia (Prosagal) gañou as eleccións sindicais no Complexo Hospitalario de Pontevedra, CHOP.
A súa independencia, a súa inexperiencia sindical foron bazas que xogaron ao seu favor para conseguir 603 votos, é dicir 9 delegados de 27. Chegar e encher.
CESM-Omega obtivo 4 delegados, Traballadores da Sanidade Pública 3, CIG 3, CSIF 2, Satse 2, Comisións Obreiras 2 e UGT 2 delegados.
Este xoves no local da Federación Castelao os representantes desta agrupación formada por enfermeiros, celadores e médicos, na súa gran maioría mulleres, brindou por este éxito.
A presidenta e voceiro de Prosagal, Carolina Iñarrea, reiterou o seu compromiso co proxecto co que se presentaron, que entre outras medidas inclúe o rexeitamento ás liberacións sindicais ao entender que están a ser mal utilizadas.
A agrupación nacida en Pontevedra suma xa máis de 400 profesionais sanitarios e o seu próximo paso consistirá en estenderse por toda Galicia para recoller todas as demandas deste colectivo.