Sanxenxo busca empresas que se sumen ao Sistema Integral de Calidade Turística
Por Redacción
A concelleira de Turismo, Almudena Aguín, presidirá o martes 21 de abril a xornada de sensibilización convocada polo departamento que dirixe co fin de informar a todas as empresas que mostren interese en adherirse ao Plan de Calidade de Sanxenxo acerca dos requisitos de obtención do distintivo asociado ao Sistema Integral da Calidade Turística Española en Destinos (SICTED).
O encontro será a partir das 11.00 horas na Sala Nauta e está previsto que dende a administración local se faga un chamamento para incrementar o número de entidades que participen neste programa nacional.
97 firmas locais ostentan este distintivo que converte a Sanxenxo no municipio con máis selos de calidade de Galicia. Entre elas encóntrase a empresa mixta Turismo de Sanxenxo, a Oficina de Turismo, o Porto Deportivo Juan Carlos I e o Servizo Local de Emerxencias, o Consorcio de Empresarios Turísticos de Sanxenxo (CETS), así como as praias de Silgar Canelas e Baltar, ademais de numerosos establecementos turísticos.
Na presente edición Sanxenxo conseguiu outros 6 recoñecementos e 65 renovacións. Tras a xornada de sensibilización, o sector da restauración e do comercio recibirá unha visita personalizada e o material de boas prácticas. Ademais formaranse a través de catro cursos e dunha auditoría de avaliación que está prevista no mes de outubro.
Relacionadas:
-
Un total de 43 empresas de Sanxenxo recibirán os diplomas e distintivos de calidade
Por Redacción |
-
Sanxenxo, premio ao mellor destino turístico Sicted 2015 de España
Por Redacción |
-
Terra de Sanxenxo busca informadores de turismo
Por Redacción |
-
Sanxenxo, o municipio galego con máis selos de calidade turística
Por Redacción |
-
As Rías Baixas presumen da calidade da súa oferta turística
Por Redacción |